آتالار سؤزو

اولو تانرينين آديلا

آتالار سؤزو

Ø    آللاه‌دان اوزولمييه نه اؤلوم يوخدور.

Ø    آللاه قازاناننان آلار وئره‌ر بئجه‌ره‌نه.

Ø    آللاه بوينووا قويسون.

Ø    آللاه بيله‌سين قرغه ييبدي.

Ø    آللاه دغه‌له مات وئرمه‌سين.

Ø    آت آلماميش آخير چکير.

Ø    آت اولان گونو آت، آري اولان گونو آري.

Ø    ات قوتولاندان سورا باتمان آلان چوخ اولار.

Ø    آتامين اؤلمه گيننه‌ن قورخميرام، قورخيرام عزرائيل قاپيمي تانييا.

Ø    آتدان دوشور؛ يهه رده‌ن دوشمور.

Ø    آج تويوق ياتار يوخودا داري گؤره ر.

Ø    آدام باشينا کول اله سه ده اوجا يئرده‌ن الييه.

Ø    آدام دئيير ائششه گين قولاغينا ياسين اوخويورسان.

Ø    آدام دئيير آغزين پيشيريب له ر.

Ø    آدام دئيير تک ائششه گلي خلوه ره دونور.

Ø    آدام دئيير مئيمون يييه سينين اوزونه باخير.

Ø    آدام کي سووو کوزه ده گؤردي، گونو باجادا هئچ ايش اوسته گئدمه ز.

Ø    آدامليق باجاسيندان باخماييب.

Ø    آدامنان ايت قاتيغي ايسته يير.

Ø    آدامنان آغيز ايسته يير.

Ø    آدامين آغزيندان سؤز آلير.

Ø    آدون ندي رشيد آغير دئ، آغير ائشيد.

Ø    آدون ندي رشيد بيرين دئ، بيرين ائشيد.

Ø    آرادا مئيدان سولئيير.

Ø    آراليق ايتين اوتارير.

Ø    ارخ ايشته مه ميش سو بوشلاسون داغيلار گئدر.

Ø    آرواد وار آرپا اونوننان آش ائله ر، آرواددا وار کرتيک باشين ياش ائله ر.

Ø    آز دانيش ناز دانيش.

Ø    آسلانين ائرکه‌ک ديشي سي اولماز.

Ø    آغ اولسون، داغ اولسون.

Ø    آغاج بار گتديقجه باش ايه‌ر.

Ø    آغاجي ايچيندن قورد يئيه‌ر

Ø    آغاجين بارين يئييب قابيغين سويمازلار.

Ø    آغريمييان باشا سققيز ياپيشديرمازلار.

Ø    آغريمييه‌ن باشا دسمال باغلامازلار.

Ø    آغرييان ديشي چکه للر.

Ø    آغزووو ووردون حاراما؛ چومچه ني توت قالاما.

Ø    آغزيندا دادي قاليب.

Ø    آغيز دييه‌ر گؤت يييه ر.

Ø    آلتداکي اوسته کينين اوزونه توپورور.

Ø    آلچاقدا ياتاني سئل آپارار، اوجادا ياتاني يئل.

Ø    ال الي يووار الده قاييديب اوزو يووار.

Ø    ال اياغا قالدي. ( ال هايا قالدي ).

Ø    ائرکه جده نده سوت ساغير.

Ø    ائرکه‌ک ائششه‌ک قودوخ دولانديرماز.

Ø    اؤزگه اؤزگه نين نمازين اوستورا- اوستورا قيله ر.

Ø    ائششه گه دئديله‌ر دوغدون يوکون يونگول له شدي، دئدي: هاچان بير آزدا چوخالدي.

Ø    ائششه گه گوجو چاتمير پالاني سؤکور.

Ø    ائششه گيميز اؤلوب باشي قيزيلده ندي.

Ø    ائششه‌ک آنقيرار ياز کئچه ر.

Ø    ائششه‌ک باشي اولوب.

Ø    ائششه‌ک ساتان کوششه‌ک آلا بيلمه ز.

Ø    ائل گوجو؛ سئل گوجو.

Ø    ائله بيل آيي يا ده ييرمانچي دئدون.

Ø    ائله قاچير آدام دئيير ناخيرچي الينده‌ن قودوخ قورتولوب.

Ø    ائله قورخور جين دميرده‌ن قورخان کيمين.

Ø    اؤرتولو بازار دوستلوغو پوزار.

Ø    اؤلو ائششه‌ک گزير نالين چکه.

Ø    اؤلور بيلير بير ايش گؤرمير.

Ø    اؤلوسو اؤله‌ن اوووندو، شيوه نه گئده‌ن اووونمادي.

Ø    اوت قيشه سامان قيرخ بئشه.

Ø    اوتدوغوموز يئرده ايشه قالديک.

Ø    اود اولسا هاراني يانديرار.

Ø    اوز وئرديک آستار ايسته دي.

Ø    اوزده آشيغام دالدادا آغلييه ن.

Ø    اوزون آدامين آغلي توپوغوندا اولار.

Ø    اوستو اؤرتولو دانيشير.

Ø    اوشاق سيچدي بير يئره گلين ياخدي مين يئره.

Ø    اوغرو اؤزو ائو اولماز ائو صاحابين ائوليقده‌ن سالار.

Ø    اولان نه جانوننان قورويوبسان.

Ø    اولان نه جانووا ال قاتيبسان.

Ø    اولوبدور گؤت ياراسي.

Ø    اوندان کور پيشيک ده خئيير گورمه ز.

Ø    اونون قيريمين بيلير.

Ø    اياغينين آلتين ائشه‌ن وار.

Ø    اياق اوسته اوتوروب.

Ø    ايت آشينا دونوب.

Ø    ايت هوره‌ر کاروان کئچه ر.

Ø    ايت کيمين آداما گلير.

Ø    ايت کيمين کولليکله ري سوله نير.

Ø    ايتده نده بير تيکه چؤره‌ک بورجلودور.

Ø    ايتين قودوران يئرينه گئديب چيخيب.

Ø    ايتينه‌ن قورد دوزه ليشسه واي چوبانين حالينا.

Ø    ايتينه‌ن قوردونان يولداش اولوب.

Ø    ايششه‌ک آنقيرار ياز کئچه ر.

Ø    ايگنه ايله گور ائشير.

Ø    ايلان يارپيزدان قاچار.

Ø    ايلان کيمي آدامي پؤشله يير.

Ø    اينسانين اؤزون گؤرميش يا دا کر کثافه تين.

Ø    اللري آغاجدي.

Ø    الي آغزينا چاتمير.

Ø    اليم اياغيم ده يمه ميش دور اکيل.

Ø    الينين دالين داغلاييب.

Ø    اليوي آلتدان گتير.

Ø    بئش بارماغين بئشيده بير اولماز.

Ø    بئلينه ال چالان وار.

Ø    باش باغلي دي ائله دي.

Ø    باشين بيتله دي.

Ø    باشينا بير اويون گتدي کي توي دا اوستورانين باشينا گلمئييب.

Ø    باشيننان بولاغ آچيليب.

Ø    باغا يول گئده نمير بيرينده بئلينه چاتير.

Ø    باغدا اريک واريدي سلام عليک واريدي. باغدان اريک قوتولدو سلام عليک قوتولدو.

Ø    بالام بالامين بالاسي ياريسي بالامين پاراسي ياريسي ايلانين پاراسي.

Ø    بو يونون سحري ده وار.

Ø    بورنو جيريلمئييب.

Ø    بورنونا يئل وئرير.( بورنو يئللي دير)

Ø    بورنوننان توتسان جاني چيخه ر.

Ø    بوغاز باشا بلادي اولماسا کربلادي

Ø    بولاغ گره‌ک اؤزوننه‌ن بولاغ اولا سو تؤکمه غينه‌ن بولاغ اوماز.

Ø    بوينونا بيچيليب.

Ø    بير آتيم باريتی وار.

Ø    بير ائوين بير آداميدي.

Ø    بير الينه‌ن مين قارپيز توتوب.

Ø    بير باشي وار مين سئوداسي.

Ø    بير تيکه چوره‌گی اووسانايا دوشوب.

Ø    بير کوتوگون اوستونده مينده نه شويور دوغرانار.

Ø    بير کويشه نده ايکي دووشان ماييز دوشسه اوردا خيروبره که ت قالماز.

Ø    بيرليک هاردا ديرليک اوردا.

Ø    بيله سينه بير پيتوو ده ييب بير پارا.

Ø    بيله کده‌ن وورور.

Ø    پاي اتين شورباسي اولماز.

Ø    پای بؤله‌ن يا شوزومما اولار یا مغبون.

Ø    پاييز اولاندا ائششه‌گی وئر ائششه گه يازدا ائششه‌گی ائششه گده‌ن آل.

Ø    پوخ يييه‌ن ايتين چومچه سي بئلينده اولار.

Ø    پيچاق وورسون قاني چيخماز.

Ø    پيشيگه دئسون پوخون داوادي سيچه‌ر قويلار.

Ø    پيشيگي دووارا قيسنايارسان قاييدار اوزووو جيرار

Ø    تاري وئره نين قاباغينا ال وئرمک اولماز ، تاري آلانين قاباغين آلماق اولماز

Ø    تاري يازاني بنده پوزا بيلمه ز.

Ø    تانيش اتيمي يئسه ده سوموگومو توبرايا ييغه ر.

Ø    تخت اوسته اوتوران بخت اوسته اوتورار.

Ø    تزه بورنونا ايشئييب.

Ø    تزه دئيير اريک شورباسي نين دنه سي وار.

Ø    توپ ووراسان داغيلماز.

Ø    تولکو تولکويه بويوردي تولکوده قويروغونا.

Ø    تولکو سوواقلي باغا گيرمه ز.

Ø    تولکويه دئديله‌ر هاني شاهيدون دئدي قويروغوم.

Ø    توي اولا توي بگي ائوده قالا.

Ø    توي اولا تويوق ائوده قالا.

Ø    توي اولا تويوقلار ائوده قالا.

Ø    توي گؤرمه ديک توي باجاسيندان باخديک کي.

Ø    تويوق گئدر پوخودا گئدر.

Ø    تويوق گئديب قازين يئريشين يئريسه جرجيگي جيريله ر.

Ø    تک الده‌ن سس چيخمه ز.

Ø    تک اليم تک باشيم.

Ø    جان وئره‌ر مال وئرمه ز.

Ø    جانين ييغيب خيرتده گينه.

Ø    جين آزيدي جينليکده‌ن بيريدي چيخدي کوللوکده ن.

Ø    چؤره‌ک اولماسادا ال چؤره‌گی اولار.

Ø    چادراسيزليقدان ائوده قالميشيميش.

Ø    چاغيريلان يئره ارينمه، چاغيرميييه‌ن يئره گؤرونمه.

Ø    چايدان کئچه نده گوت-گوته ده ييبله ر.

Ø    چوپ اوزادير.

Ø    چوخ گزه‌ن چوخ بيله ر.

Ø    چوخ يئمه‌ک آدامي آز يئمه غده‌ن سالار.

Ø    چولو اوغورلييه‌ن يئرين بيله ر.

Ø    چولون سودان چيخاردير.

Ø    چيخان قان دامار دا دورماز.

Ø    حشه منه‌ن دالي قالدون چپيش ساخلا اکيننه‌ن دالي قالدون آرپا اک.

Ø    خالقا يار گئده ري نار گلي بيزه کور گئده ري کار گلي.

Ø    خسته ني گؤره‌ن آغلار.

Ø    خوشلوقونان ايلاني ييرتيقدان چيخارتماق اولار.

Ø    خيارين شيرين باشيندادي.

Ø    دئدي نئجه سن بير سوز دئييم چاتداياسان،دئدي نئجه سن آنلامايام پارتداياسان.

Ø    دئديله‌ر ايش، قيز دئدي اره گئده‌جم، گلين دئدي آيريلاجام، قوجا دئدي اؤله‌جم، اولدو قيش، نه قيز اره گئتدي، نه گلين آيريلدي، نده قوجا اؤلدو ايشده يئرينده قالدي.

Ø    دئديم ائشيده سن دا ، قانمييه سن کی.

Ø    دئسون اياغون ياندي چکيل دالي چکيلمه ز.

Ø    دئسون خالا دييه‌ر آنا.

Ø    داري دونيادا يئددي ارخه ده‌ن بير چووالي يوخدور.

Ø    داشي آتيليب.

Ø    دالدادا کلي يه گله‌ن گؤز قاباغيندا دوغار.

Ø    دالدان آتان توپوغا ده يه ر.

Ø    دالي قاباغينا کئچمه ق اولمور.

Ø    دايچا آت اولونجا ييه سي مات اولار.

Ø    دريازچي اولمييه‌ن يئرده دريازچي دير.

Ø    دلييه حالوا گيجه بال نئينه ر.

Ø    دلييه يئل وئر الينه بئل وئر.

Ø    ده وئينه‌ن نال بند کيميندي لر.

Ø    ده ييرمانين بوغازينا اؤلو سالاسان ديري چيخار.

Ø    دوز يئييب دوز قابين سينديرمق.

Ø    دوز يولون يئرييه نمير دولايي يه شيللاغ آتير.

Ø    دوستونان دوشمه ني دارا دوشه نده تاني.

Ø    دولانان اياغا داش ده يه ر.

Ø    دوه ديزين به يه نه‌ر ننه قيزين.

Ø    دوه گؤتو ياغلاياندي.

Ø    دوه گؤردون قيغين گؤمه دون.

Ø    دوه لر بوغوشسا قار ياغار.

Ø    دووشان گوزو آچيق ياتار.

Ø    دووشان ياتديقجا قاچار.

Ø    دوييه دئديله‌ر بوينون ايريدي، دئدي هارام دوزدي؟

Ø    ديرناغينان اتين آراسينا گيرمک اولماز (اتينن سوموگون آراسينا گيرمک اولماز)

Ø    ديل چيخارديب ياريم ارشين.

Ø    ديل دگيل زهريدير.( ديلي وار بير باتمان. چوخ آجي ديلي وار. ديلي باشيننان يئکه دير.)

Ø    ديل دييه‌ر گوت يييه ر.

Ø    ديلي ايلان ديلينه اوخشه يير.

Ø    ديندير چکيل دالي.

Ø    سئرچه لر ده ديل آچيب.

Ø    سامان سنين دگيل سامانليق کي سنيندير.

Ø    سرپ ايتي قورد آپارار.

Ø    سسي قويودان گلير.

Ø    سفئيين باشيندا يونجا کولو بيتمه ز.

Ø    سفئيين بوينوزو اولماز.

Ø    سو سنه‌گی سودا سينه ر.

Ø    سوبايليق سولطانليقدي.

Ø    سوزو آنلايانا دييه سن.

Ø    سولانان قار قالخانماز.

Ø    سووون قاباغي هارا گئدسه دالي دا اورا گئده ر.

Ø    سويوب سويوب قويروغونا چاتاندا موندارلاييب.

Ø    سيکينه‌ن چوواني آنلامير.

Ø    شانسيما کوللو کوپه ده چيخمه ز.

Ø    شيطان بوغازينا هاچا ووروب.

Ø    صاف دولانار شرط اودي کي ناصافي دولانديراسان.

Ø    عزيزيم عزيز، تربيه م اوندان عزيز

Ø    عومرو آز دالي ياز.

Ø    فت ايش گؤروب.

Ø    فهيم لي اوغول نئينير دده مالين فهيم سيز اوغول نئينير.

Ø    قاباقدان يئيير دالدان توکور.

Ø    قاتير کيمين دير بوينينا مين بوينووا ميندير.

Ø    قارداشلار ساواشدي ابله لر ايناندي.

Ø    قاري قاري دانيشماق.

Ø    قارني زيغليدی.(حشه مه تلي و پاخيل دير)

Ø    قارنين دا مين تولکو يان يانا ياتيب.

Ø    قازان قازانا دئيير گوتون قارادي.

Ø    قازماني قيزيلده‌ن ده باشلاسون گينه گوه‌ن ديبي قازار.

Ø    قالان ايشه قار ياغار.

Ø    قان ائششه گين مينيب گليب دوشوب قاپي دا.

Ø    قان ائلييه‌ن قان ائله مئييب خبر آپاران قان ائلئييب.

Ø    قره قئييد جانين آليب.

Ø    قلبي يئره سو چيخماز.

Ø    قوچ اکه چپيش تکه.

Ø    قودوخلو ائششه‌ک کاروانا گئدمه ز.

Ø    قورتدالارسان قوردو چيخه ر.

Ø    قورد آغزيننان چيخيب.

Ø    قورد اوره‌گی يئييب.

Ø    قورد بالاسي قورد اولار.

Ø    قورد دئدون قولاغلاري گورسه ندي.

Ø    قورد دومانليق گزه ر.

Ø    قورد يوواسيندان سوموک اسکيک اولماز.

Ø    قورددان قورتولدوک قولئبانييه توش گلديک.

Ø    قورشاغدان آشاغي دانيشير.

Ø    قولاغ گونده بير سؤز ائشيدمه يه کار اولار.

Ø    قونشوم قونشو اولسا کور قيزيم اره گئدر.

Ø    قونشييه اومود اولان شامسيز قالار.

Ø    قويون قوزوسونون اياغين باسلاماز.

Ø    قيرميزي قار ياغيب؟

Ø    قيريله‌ن قوشونناندي.

Ø    قيز قاپيسي شاه قاپيسي.

Ø    قيزيلباشدي. (يوکسک روحلو و اسکيک ليلکره يئنيمه يه‌ن آدام)

Ø    قيزيم سنه دئييره م گلينيم ائشيد.

Ø    قيش بير گونده قيشليغين بيلديره ر.

Ø    قيش گئده‌ر اوزو قاراليق کوموره قالار.

Ø    قينه مه غه قاري اوکوز.

Ø    قيليج ياراسي توختار ديل ياراسي توختاماز.

Ø    گؤتده‌ن باشا قيزيل اولدو ندي.

Ø    گئتديک گلين گؤرمه گه، گلين گئتدي تزه‌ک ييغمه غه.

Ø    گؤتيينه‌ن قاپي آچماييب .

Ø    گؤزه لليک اوندور دوققوزو دوندور.

Ø    گلين توشدو تويچو سيشدی.(سيچدی)

Ø    گزه‌ن اياغا داش ده يه ر.

Ø    گوجو چاتاني وورور چاتمايانادا بير داش آتير.

Ø    گون وار گون وار.

Ø    مئه ده شئه گله ر.

Ø    مال يييه سينه اوخشاماسا حارامدير.

Ø    مسجيد قورولماميش کور قاپي دا دوروب.

Ø    من آغا سن آغا اينه کله ري کيم ساغا.

Ø    منيم اوره گيمنه‌ن خبر وئريب.

Ø    موس موس دئيينجا دئنه موصطفي.

Ø    مين يئييجون اولسون بير دئييجون اولماسين.

Ø    نابلد قويي يه داش آتماق اولماز.

Ø    ننه سينه باخ قيزين آل قيراغينا باخ بئزين آل.

Ø    نه ايشيم ايشدير، نه اليم بوشدور.

Ø    نه ايشين وار تولکيده تولکي سني هورکيده.

Ø    نه سيکديغيميزده‌ن يارانديک نده سيکيلديغيميزده ن.

Ø    نه ياسيميز ياسا اوخشايير نه تويوموز

Ø    نييه تبه غون قولتوغوندادي.

Ø    اله باخان اولوب.

Ø    هاميني بزه‌ر اؤزو لوت گزه ر.

Ø    هر آنقيرانا آخير چکسون بوردان اصفهاناجاق آخير اولار.

Ø    هر نه توکسون آشووا چيخاجئک قاشوقووا.

Ø    هر يئر اوجادي اليوي آپار قوي اورا.

Ø    هرده‌ن آسغيريرام هرده‌ن اوسگوروره م.

Ø    وئرمه سه خاليق نئينه سين مخلوق.

Ø    ورياني سووا وئريب.

Ø    ووروسان اؤلور کيشله ييرسه‌ن گئدمير.

Ø    کئچله دئديله‌ر باشووو يودون، دئدي يودومدا دره ديمده.

Ø    کئچي کيمين آدامين قولاغين گميرير.

Ø    کار ائشيدمه ز يان يورار.

Ø    کاسيب پارا تادي يئر تاپمادي يئر تاپدي پارا تاپمادي.

Ø    کاسيب يئييش گئييشين بيلسه کاسيب اولماز.

Ø    کاسيبين ائوينين آشاغيسي يوخاريسي اولماز.

Ø    کاسيبين چوره‌گي قوتولاندان سورا تنديري آليشار.

Ø    کسب مان دگيل.

Ø    کنديميز کند اولسادا يوسماجا کند اولار.

Ø    کهليگي آزيب.

Ø    کور آتين کور نال بندی اولار.

Ø    کور پيشيگين گوزين باغلئيير.

Ø    کور قوشون يوواسين آللاه الينن قويار

Ø    کور نه ايسته‌ر آللاهدان؛ بير جوت گؤز، بيري ايري بيري دوز

Ø    کول ديبينده دووشان ياتار.

Ø    يئدي اوستونده نده بير کاسا سو ايچدي.

Ø    يئرين آلتيندا بيلير اوستونده.

Ø    يئرينه‌ن ييغيشديره سن بيلمه ز.

Ø    يئمه غينه‌ن دويماديق يالاماغينان دوياجاق.

Ø    ياخچي ليق ائله آت دريايا باليق دا بيلمه سه خاليق بيله ر.

Ø    ياد آغلار يالان آغلار.

Ø    ياد ايتين قويروغو الينده اولار.

Ø    يارالي بارماغا ايشه مه ز.

Ø    ياز عومرو آز.

Ø    ياس توي کاسيبا بيردير.

Ø    ياغلي چوره‌ک گزير.

Ø    يالقوزه‌ک جاناوار کيمين گوزه گيرير.

Ø    يانسين چيراغي گلسين ايشيغي.

Ø    يورغانووا گؤره قيچووي اوزاد.

Ø    يوز اؤلچ، بير بيچ.

Təşəkor Edərik Mahmit Bəy

Materiallardan istifadə zamanı qaynağa istinad vacibdir

استفاده از مطالب با ذکر منبع بلامانع است
Http://www.sozluk.blogfa.com

[e-mail]