رنگلر
ر
نگلرح
. اومود اوغلورنگلر تانري نين ان بؤيوك نعمتي دير . انگين دونياني رنگسيز تصور ائتمك مومكون دئييل . اينسان اوغلو بير آن رنگسيز ـ بوياسيز دونيايا فيكيرلشسه تانرينين قودرتينه كيفايت قدر اينانا بيلر . گئچن ايللر ، دونيا عاليم لري بيلگي سايارلا ( كامپيوتر ) دونيا اوزه رينده اولان و گؤز قودرتيندن خارج اولان رنگلرين چالارلاريني ( طيف ) 16 ميليونا قدر تخمين ائديب لر . بعضا يئر اوزونده ياشايان خالقلارين بير رنگ اوزره اينانديقلاري و سؤيله ديكلري سؤزلر بير ـ بيرينه اويغون گلمير . باشقا سؤزله، بعضي خالقلاردا بير رنگه اولان دويغو و حس باشقا ميللتلرده عئيني شكيلده ايضاح اولونمور ، ديگر سؤزلر باشقا بير سمبل دور . نئجه كي ميلاددان اؤنجه چايلار آراسي ( بين النهرين ) بؤلگه سينده بير سيرا خالقلاردا كوتلوي جماعتين ماتم رنگي ساري // نارنجي اولموشدور ، عيني حالدا همن ميللتين يوكسك طبقه لي عايله لرينده ماتم رنگي قارا اولموشدور . بونون عكسينه اورتا آسيادا بو گونكو توركوستان ناحيه سينده قديم كي تورك خالقلاريندادا بئله مسئله يه راست گلمك اولور . ( باخ = اولژاس سليمان اوفون آز ـ يا كتابينا ) بوتون بونلارا رغماٌ موعاصير دؤوروموزده دونيا خالقلاري آراسيندا رنگه اولان دويغو ـ آنلام گئت ، گئتده ايلگي لر اوزوندن اوست ـ اوسته دوشور و دويغو ـ آنلام جهتدن عيني لشير . بئله جه ده بوتون دونيادا تانيلان قارا خاچ ( صليب سياه ) اؤلوم و اؤلولره عاييد مراسيم لرين سمبولو، ماوي خاچ (صليب آبي ) حئيوانلاردان حمايت ائدن ايتيفاقين سمبولو ، قيزيل خاچ ( صليب سرخ ) طبيعي حادثه لردن و موحاريبه لردن خسارت گؤرن خالقلارين يارديمينا چاتان تشكيلاتين سمبولو، ياشيل خاچ ( صليب سبز ) ايسه يئر اوزونده اولان مئشه لر و اورمانلار و گؤي ـ گؤيرنتي لردن حمايت ائدن اورگانين علامتي دير .
توركلرده رنگ
: گئچن مين ايللرده چين ، مغولستان و آلتاي داغلاريندان آوروپانين قلبينه قدر ياييلان تورك ائللرينين سوي ، يئر ، تاريخي و جوغرافي آدلاريني احاطه ائدن بير نئچه رنگ وار . او جومله دن : آلا ، ساري ، آغ ، قارا ، قيزيل ، گؤي و بونلارين باشقا واريانتي آلاجا ، ساري جا ، آغ جا ، قاراجا ، قيزيل جا و گؤيجه شكيللرينه دئمك اولار . قيد ائتمك اولار بو بؤيوك جغرافي ساحه ده ( آسيا و آوروپا) مين لرجه دره ، تپه ، كند ، چاي ، اورمان ، مئشه ، چيمن ، دنيز و ساير جوغرافيا آدلارينا تيتول كيمي آرتيلان آغ ، قارا ، قيزيل و ﮔﺆي كيمي سؤزلري داها چوخ قاباريق شكيلده گؤزه چارپير .بو دؤرد رنگله گلن بوتون تاريخي ـ جغرافي آدلاري آوروپا عاليملريني و فارس شووونيزمينه قوللوق ائدن ساوادسيز آداملار و حتي كمونيست ايده يالارينا نؤكرچيليك ائدن بعضي آذربايجان ساتقينلاريندا چاشديرميش
.گؤي
مچيدي ، مسجد كبود ! آدينا ترجمه ائدن ، گؤي تنگري آديني ، خداوند آبي ! كيمي ايضاح ائله ين آخماق لار بيلمه ليديلر كي « آغ ، قارا ، قيزيل و گؤي » سؤزلري تاريخي ـ جغرافي آدلاردا رنگ معناسيندا دئييل .ذكا
ﺀلار ، عنايت الله رضالار ، افشارلار رئيس نيا لار و ساير آذربايجان دوشمن لري نه واخت دوشونه جكلر كي بير آز عاغيللي اولسونلار ؟!بيز بو عاغيلدان اوزاق علم عالميندن آزقين آداملارا بير ـ ايكي مسئله ني آنلاتماق ايسته ييريك
. آغ ، قارا ، قيزيل ، گؤي // آغجا ، قاراجا ، قيزيلجا ، گؤيجه قديم تورك تفكورونده نئچه رولو اولموش . بيرينجي سي جغرافيا جهت لرين گؤسترمك دير .
وئريلن
« تاسار» دان بللي اولور توركلر: شمالا قارا ، جنوبا قيزيل و بعضاٌ ده ساري // ساريجا دئيرميشلر. شرقين ايسه رنگي گؤي و غربين ايسه رنگي آغ ايميش. ائله بونا گؤره دير كي توركمن لر اوچون خزر دنيزي ، « آغ دنيز » ، لاكين شيروانلي لار اوچون گؤي // گؤيجه دنيز دير . نييه كي توركمن لرين غرب جهتينده يئرلشير .كتاب دده قورقودا گئدن قارشي ياتان قارا داغ معلوم اولدوغو كيمي اوغوزلارين ياشاديغي بؤلگه نين شمال حيصصه سينده ايميش
. مين ايلدن آرتيق ديل بيلمز تاتلارا ( فارس لارا ) آغاليق ائله ين تورك حؤكمدارلاري اؤزلرين ، يوردلارين ، ياشاديغي اراضي ، چشمه لر ، شهرلر و داغلارينين آديني بو رنگلرله آدلانديرميشديلار . لاپ دوغروسو ، آغ قويونلو ـ قارا قويونلولار هئچ واخت پرچم لرينده قويون شكلي اولماميش ، لاكين اونلار چوخ مال ـ داوارا صاحيب ايميش لر . آمما ايران شوونيست لري ، آرياچي لاري بوتون جغرافي آدلاري عادي جه رنگ له باغلاييرلار . مثال اوچون : گؤي بؤرو = گرگ آبي ، آغ ائولر = خانه هاي سفيد ، قارا دنيز = درياي سياه ، قارا چمن = سياه چمن ، قارا چاي = سياه رود و ساير .او كي علم عالمينه بللي دير دونيانين هئچ بير يئرينده قارا رنگلي چمن و سو و هابئله ماوي رنگلي آلله يوخدور
. بيرجه آخماق فارس شووونيزمينين گؤزلويوندن باخان « خاخول » بيلمه ليدير كي تاريخي آد و جغرافي اعلام عادي بير سؤز كيمي ترجمه اولونماماليدير . اگر بئله دئييل سه بيز خواهيش ائديريك تهران شهريني = « ته چاله » ، قارا كليساني = « كليساي مشكي » ، قيزيل قومي = « شنزار طلايي » و قارا قويونلونو = « مردي كه داراي گوسفند سياه است! » ترجمه ائدسينلر .حال بو كي آغ ، قارا ،
قيزيل ، گؤي سؤزلري هر بير تاريخي و جغرافي آديلا قوشا گلنده بو آدلارا « يوكسكليك ، عظمت ، بؤيوكلوك ، گوجلولوك ، سايي چوخلوغو و شدت » معنا چالاري وئرير . بيزيم دونياميزين هئچ بير يئرينده آغ رنگلي بير شهر ، قارا رنگلي بير تپه ، قيزيل رنگلي بير حاصار ، گؤي بؤرو ، قيزيل و قارا رنگلي قيشلاغيميز اولماييب و اولماياجاقدير . بو رنگلر گلدييي آدلارين عظمت ، بؤيوكلوك و گوجلولويونو گؤسترير . دونيانين ان آزي دوققوز يئرينده « گؤي مچيد » واردير . بو آدي « مسجد كبود » فورماسينا سالان يا ساوادسيز دير ، يادا تورك ميللتينين قنيمي دير. فارس شووونيزمي بيزيم بو گوجلو كرونيميك توپونيملريميزين قارشيسيندا يوخسول و عاجيزدير . لاكين بو دؤرد رنگين رولونو ، فارس ديلينده قارشيليغيني وئريرسك ، « شاه » و « خر » سؤزلريني قئيد ائتمك اولار . اونلار هر بير عادي فارس سؤزونه قوشولاندا همن آدا ، يوكسك كيفيت ، بؤيوكلوك و عظمت وئرير . ( باخ آشاغيدا كي مثاللارا )1
ـ شاه : شاهرگ ( بؤيوك و اصيل دامار ) ـ شاهتير ( بؤيوك اوخ ) ـ شاهكار ( يوكسك ايش ) ـ شاهبال ، شاه فنر ، شاه توت ، شاه راه ، شاه بلوط ، شاه رود2
ـ خر : خرپول ، خرمهره ، خربنده ، خرگاه ، خرموش ، خرگوش ، خرزهره ، .....××
وئرديييميز فاكتلاردان نتيجه آليريق كي هر واخت آغ ، قارا ، قيزيل ، گؤي ( آغجا ، قاراجا ، قيزيلجا ) تاريخي ، جغرافي و آدلارلا قوشا گلنده اونلارين كيفييتيني دييشديرير . هئچ واخت رنگ آنلاميني ايفا ائتمير .××
قئيد اتديييميز رنگلر عادي بير آدلارينان گلنده تكي رنگ چالاري معناسيني ايفاده ائدير
. مثال اوچون : قارا لچك ، قارا كؤينك ، قيزيل آلما ، آغ دوواق ، گؤي مازي ، .....تدقيقاتچي لار خصوصي ايله آرياچيليق و فارس شووونيزمي ايده آسينا قوللوق ائدنلر دوشونمه ليديلر كي سومرلردن بري ياشاييب ـ يارادان موختليف قبيله آدلاري ايله دونيايا حكومت ائله ييب ، آتلارينين ديرناغيندا مدنيت داشييان توركولرين كيم ليگين ، مدنيتيني و دونيايا بخش ائتدييي نعمتلريني ، عاغيل سيز و ساواد سيزجا يازيلميش غير علمي جفنگيياتينان آرادان قالديرماق اولماز
.گؤي
اوزو چاديريميز ، گونش بايراغيميز دير !!منبع
:azerun.com