آموزش لغات تورکی آزربایجانی

تورالماق: toralmaq  کؤکه لمه ک، حالا گلمه ک، اوز – گؤزبویانماق، قیزارماق، نقاهت چاغین سوووب و بدن قاباغا گلمه ک

خیرله شمه ک: xirləşmək باش سورتمه ک، اونا بونا سورتوشمه ک، اؤجه شمه ک ( خیرتیش آدام)

دارتینماق: dartınmaq گوج وئرمه ک، غیرتی اولماق، 

داوورماق: davurmaq الده ن – ایاقدان گئدمه ک، کورلوغا قاتلاشماق، یوخسوللوقدان گونه لمک ( آجلیقدان داوورور)

دیدمه ک: didmək آچماق، سؤکمه ک، چکیب ساپین چیخارتماق، چوخ ووروب و ایاقدان سالماق (ا و یازیغی دیدیک – دیدیک ائله دیلر ­** کاموا کؤینه گی دیددی ) اویان – بویانا چکمه ک

دیره مه ک: dirəmək  یاپیشدیرماق، برک وورماق، باسماق، یئره گوجونه ن ایاق باسماق (دیرماشماق: داغا ایاق دیره ییب چیخماق و برک یاپیشماق = دیره شمه ک)

دیکله شمه ک: dikəşmək ساواشماق، بیر – بیرینین باشینا آتیلماق، چیریشماق ( خوروسلار دیکله شیر)

زوخمالاماق: zoxmalamaq قورتدالاماق، سوخماق، باسماق

ساپلاماق: saplamaq دسته له مک، دیک توتماق ( قازمانی ساپلا ** ندی توپپوزینی باشیم اوسته ساپلاییبسان) توپپوز: دیه نک، باشی توپپا چوماق

سادیشماق: sadışmaq باریشماق، سازش ائله مه ک، توافق ائله مه ک، دوزه لیشمه ک

سایماق – آیماق: saymaq – aymaq یولوخماق، حسابا گتیرمه ک، قولاغ وئرمه ک، اؤزگه نی قانماق ( نه ساییر – نه آییر= هئچ کیمی حسابا گتیرمیر و ارزش وئرمیر)

سغیشدیرماق: sığışdırmaq ائده بیلمه ک، بارشاماق، باجارماق، عؤهده سیننه ن گلمه ک (سیغیشدیرانمازسان زورتدیگین چیخار = ائده بیلمه زسن دده ن یانار)

سوروتمه ک: sürütmək  ایشی اوزاتماق، اینجیتمه ک، مغلوب ائله مه ک ( بیر آی بو خیرده ایشی سورودور ** او منه بورجلودور آمما نئچه آی دیر منی سورودور)

سولاماق: sulamaq ایسلاتماق، سو سپمه ک

سونگ ائله مه ک: süng eləmək مغلوب ائله مه ک، ور شکست ائله مه ک؛ لنگ ائله مه ک، دالی ساخلاماق، شکست وئرمه ک

سووارماق: suvarmaq سو وئرمه ک، سو بوشلاماق، آبیاری ائتمه ک

سیپیره مک: sipirəmək   سیپیریخمه ک، قاچماق، قیسنه مه ک ( پلیس دالیجا اولدوغا گؤره داغی اوزو آشاغی سیپیره دی ** پلیسی گؤرجه ک سیپیریخدی)

سیخمیرله مک: sixmirləmək سیخمه ک، باسماق، چکمه ک ( داوارلارین امجه گین تئز سیخمیرله دی = قولای ساغدی ** اونو بتر سیخمیرله دی = توتوب و سیخدی ، بیله سینه فشار وئردی)

سیره مک: sirəmək سالماق، باسماق، مغبون ائله مه ک، قالب ائله مه ک ( اونا کؤهنه بیر ماشین سیره دیلر)

سیریمسه مک: sirimsəmək آغاجین سودا قالیب و برکی مه گی کی چورومه ز و داشا دؤنر ، قالینلاشماق، برکی مه ک،

شارتا گیرمک: şarta girmək قورشانماق، قورشالانماق، گلووزلانماق، مئیدان گیرمک

شته ل ائله مک: şətəl eləmək موزاحیم اولماق، انگل اولماق، باشا بؤرک قویماق (او هر ایشده بیزه شته ل ائدیر)

شوزومما اولماق: şuzumma olmaq  مدیون اولماق ( یئتدی آرخادن منه شوزومماسان)

شولوملانماق: şulumlamaq تملق ائله مک، یالمانماق، قویروق بولاماق، بولوملانماق، (پاچه خواری کردن)

شوملاماق: şumlamaq آغناماق، خارلاماق، آخماق، یاتماق، باتماق،ایچریده و گیزلینجه باتماق ( دووار شوملادی ** قویو شوملاییب)

شویونه گئدمک: şüyünə gedmək  الده ن گئدمک، یئل آپارماق، بئیین نن گئدمک، هدره گئدمک، باتماق ( وار یوخوم شویونه گئدیب)

شیره لنمه ک: şirələnmək شیشمه ک، نازلانماق، شیتله نمک، شئرله نمک، قیزمه ک ( او اوشاق آدام یانیندا شیره له نیر)

شیشمه ک: şişmək غرورلانماق، قاسلانماق، یئلله نمک، شیتده نمک ( بیر ماشین آلیب نه شیشیر)

عیلله ت اوغورلاماق: illət oğurlamaq مریض له مک، معیوب اولماق، دواملی آلیزاولماق، آلیزلاماق، علاجسیز مریض اولماق ( بئله آریخلامادان بللیدیر اونو عیلله ت اوغورلاییب)

فوشعا وئرمه ک: fuşğa vermək فوران ائله مه ک، آتماق، فشاریلن چیخماق، پورتداماق (گول-له دیجه ک قان فوشغا وئردی = قان آتدی = پورتدادی)

فونخورماق: funxurmaq بورون ایچین بوشالتماق، فونخوراق = بورون ایچینین باری( بار = ترشحات، بزاق) 

قاباقلاماق: qabaqlamaq قاباق گئدمه ک، پیشواز ائله مه ک، قاباق توتماق ( اوروجلوغو بیر گون قاباقلادی= یک روز زودتر به پیشواز رمضان رفت ** بیله سین قاباقلادی = قاباغین چیخدی)

قاریخماق: qarıxmaq ال – ایاق ایتیرمک، دست و پاچه شدن

قارین آچماق: qarın açmaq  چوخ یئمه ( او بو گون قارین آچیب = بو گون چوخ یئییر، شکمو اولوب)

قاسیرغاماق: qasırğamaq تورشیماق، کپک وورماق ( کره یاغ قاسیرغاییب) قیژغیرمک

قاماشماق: qamaşmaq قیریشمه ک، گون و ایشیقه چیخاندا گؤزین توتولماسی و اینجیمه سی کی تئز – تئز کیپریک وورار( قار گؤیم دوشجه ک قاماشدی)

قان آراسینا گیرمک: qan arasına girmək اؤزینی اؤلوم خطرینه سالماق، خطرلی دعوادا آراچیلیق ائتمه ک، چؤپ اوزاتماق، فضول لیق ائتمه ک، آرا وورماق ائله کی اؤلوب اؤلدورمه خطری اولا

قان ائله مه ک: qan eləmək آدام اؤلدورمه ک، قان تؤکمه ک ( قان ائلییه ن قان ائله مئییب، خبر آپاران قان ائله ییب = آتالار سؤزو)

قان اوتدورماق: qan utdurmaq شکنجه و عذاب وئرمک ( بو اوشاق آداما قان اوتدورور= چوخ اذیت ائله ییر)

قان... آراسینا گیرمک: ( قانینین آراسینا گیردی=  بیله سین اؤلومنه ن قورتاردی، قانیمین آراسینا گیردی = منی اؤلومنه ن قورتاردی) بونو دعوادا و مصنوعی خطرلر قاباغیندا دییه للر    

قایناشماق:  qaynaşmaq وول خوردن، لولیدن ( قاریشقا کیمی قایناشیرلار)

قوجاشماق: qocaşmaq زورلاشماق، یوغونلاماق، کیشی له نمک، قوه له نمک، یئکه لمک، گنجلی یین سونونا چاتیب و قوجالیغا ایاق قویماق ( حئیواناتا گؤره ده ایشله نر = بو سوپا یاخچی قوجاشیب) 

قورتدالاماق: qurtdalamaq ائشمه ک، دئشمه ک، ال-له مک ( قورتدالارسان قوردو چیخار)

قورره ت دؤیمه ک: qurrət döymək فایداسیز ایش گؤرمه ک، سونوجسوز ایش گؤرمه ک، عبث ایش گؤرمه ک

قیرتدیرمه ک: qirtdirmək   اسیرگه مه ک، مضایقه ائله مک (  چؤره گی بیله سینه قیرتدیریر= چؤره گی اوننان مضایقه ائله ییر) ، قیزیرغه نمک

قیروولاماق: qırovlamaq دنه دنه وامدان قار یاغماق ( وام = یاواش، آرام) هاوا قیروولاییر

کئچینمه ک: keçinmək داورانماق، سوووشدورماق(sovuşdurmaq)، غش ائله مه ک  

کرکینمه ک: kərkinmək سورتمه ک، قیزدیرمه ک....

کره زدنمه ک: kərəzdənmək مغرور دانیشماق، بویوکلوک ادعاسیلا دانیشماق، فیس و افاده ایلا دانیشماق

کمله مک: kəmləmək نیشانلاماق، نیققیر قویماق ( آلدیغی قوزولاری کمله دی)

کورالاماق: koralamaq قوتارماق، تالاماق، تؤکه تمک، باشا وئرمه ک، سووماق ( باغی کورالادیلار ** دووارداکی ییرتیغی توتوب کورالادیلار) کورراماق= کورلاماق : تالاماق، خاراب ائله مه ک

کورتله شمه ک: kürtləşmək  یاپیشماق، ایتلرین آمیزش ائتمه سی، کؤپه گین قانجیغا یاپیشماسی

کهه رله نمک: kəhərlənmək باش قولاغ توتماق، فیس و افاده ائتمه ک،غرورلانماق، مدعی اولماق

کیپله مک: kipləmək  کیپه جاق باسماق، برک یاپیشدیرماق ....

گوپه مک: güpəmək گوپسه مک، چالماق، وورماق، دیدیرمه ک ( dəydirmək ) (ماشینی دووارا گوپه دی)

گونه لمک: günəlmək شکایت ائمه ک، گیلئی لی اولماق ( هر یئره گئدیر اوننان گونه لیر)

گیلله نمک: gillənmək گیجه لمه ک، ایشده وقت کئچیرتمه ک  ( صوبده ن بیر فورغون اوسته گیلله نیر) 

میرتلاشماق: mırtlaşmaq لاس وورماق، قولاغ دا دانیشماق، مورت وورماق

میرددئیله شمه ک: mirddeyləşmək جیرله شمه ک، جر و بحث ائله مک

میرگی وورماق: mırgı vurmaq چرت وورماق، گؤز قیزدیرماق

نریلده مه ک: nərildəmək آسلان کیمی نریلدئییر** سو نر – نر  نریلدئییر

نیخ دورماق: nıx durmaq  ساکیت و بی واکنش دورماق، ترپه نمه مک، حرکتسیز دورماق، قوروموش کیمی دورماق

نیخله مک: nixləmək چالماق، آتماق، باسماق، آغیر یوکو حیوان بئلینه باسماق، زورونان باسماق (اللی باتمان بوغدانی ائششه گین بئلینه نیخله دی ** میخی دووارین ییرتیغینه نیخله دی)

نیرتده مک: nirtdəmək  نیرت وورماق، گوپه مک، دیزینه ن طرفین دالینا وورماق، نیخله مک، نیرت = دیز ضربه سی

نیققیرله مک: niqqirləmək علامت وورماق، نیشان قویماق

هئلله شمه ک: helləşmək باش –باشا وئریب گوج وئرمه ک ( اؤکوزلر هئلله شیرلر)

هاپپیلماق: happılmaq هوببولماق، آتیلماق

هنده مرله مک: həndəmərləmək تحریک و تحریض ائله مک، تشویق ائله مه ک، قاباغا سورمه ک ( بیله سین هنده مرله قوی گئدسین ایشه)